CARAMES GORGAL, MARIA CARMEN
M. Carmen Caramés Gorgal (Santa Comba, 1966) comezou a súa andaina como poeta obtendo recoñecementos do Certame Rosalía de Castro do Centro Galego de Santander (2004) e do XII Certame Manuel-Orestes Rodríguez López (2007). En 2009 gañou, ex aequo, o Premio de Poesía Victoriano Taibo con Cuarto Minguante. Como narradora foi galardoada no XXXIV Premio Nacional de Narracións Curtas Modesto R. Figueiredo e no premio de relatos de muller Matilde Bares (2011). Conseguiu o III Premio Pinto e Maragota pola diversidade sexual e de xénero coa obra «Todo o que doe» (Xerais, 2024).