González, Xoán Xesús
Xoán Xesús González (Cuntís 1895- Santiago 1936) desenvolveu unha intensa actividade no xornalismo, narrativa, poesía, teatro, ensaio, política, sindicalismo... Foi labrego e canteiro, e converteuse nun recoñecido intelectual e avogado que loitou pola dignificación da nosa lingua e cultura, polo recoñecemento dos dereitos de Galicia e pola consecución dunha sociedade democrática; feito polo que lle foi arrebatada a vida.