ANTONIO FRAGUAS. MESTRE DA MEMORIA

Profesor, Etnógrafo, Xeógrafo, Historiador e Galeguista. Antonio Fraguas foi un notario de realidade, un coñecedor do seu pobo e un investigador incansable da cultura de Galicia. O seu paso polo Seminario de Estudos Galegos, polas Irmandades da Fala o polo Partido Galeguista asentaron nel o ideario político, mais, sen dúbida, foron as súas reíces profundas de estirpe labrega as que máis o marcaron. Malores Villanueva achéganos nesta biografía a vida e a obra de antonio Fraguas cun estilo áxil, nun relato ateigado de anécdotas que non renuncia ao rigor documental. A súa lectura é unha viaxe polo século XX da man do persoeiro homenaxeado no Día das Letras Galegas de 2019. O seu labor investigador, a súa entrega á docencia, as súas facetas de primeiro locutor de radio ou de director do Museo do Pobo Galego, incluso a súa incursión cinematográfica, son algunhas páxinas. Velaquí o retrato de que coa súa palabra e a súa obra traballou sempre por e para Galicia.